Հուշարձանների և տեսարժան վայրերի միջազգային խորհրդի /ԻԿՕՄՕՍ/ կողմից ներկայացված առաջարկության ընդունմամբ՝ սկսած 1983 թվականից, յուրաքանչյուր տարի ՅՈՒՆԵՍԿՕ-ն նշում է ապրիլի 18-ը՝ որպես հուշարձանների և տեսարժան վայրերի միջազգային օր: Այդ օրը բազմաթիվ երկրներում անցկացվող տարաբնույթ միջոցառումներն էականորեն բարձրացնում են հասարակության տեղեկացվածության մակարդակը համաշխարհային ժառանգության բազմազանության, դրա պաշտպանության ու պահպանության վերաբերյալ:
Հուշարձանների և տեսարժան վայրերի միջազգային օրը նշվում է նաև Հայաստանում: Այս տարի օրվան նվիրված միջոցառումները կկրեն «Գյուղական լանդշաֆտներ» խորագիրը: Հայաստանում և Արցախում կանցկացվեն բազմատեսակ միջոցառումներ, այդ թվում՝ ճանաչողական այցեր, կրթադաստիարակչական ծրագրեր, հուշարձանների բարեկարգման և մաքրման աշխատանքներ:
© 2023 Global Colibri ՍՊԸ. Բոլոր իրավունքները պաշտպանված են
