Հայաստանն աշխարհի ամենահին երկրներից մեկն է: 301 թվականին (ավելի քան 1715 տարի առաջ) Հայաստանը դարձավ առաջին երկիրը, որն ընդունեց քրիստոնեությունը որպես պետական կրոն: Այստեղ Դուք կարող եք տեսնել ավելի քան 4000 վանք և եկեղեցի, որոնցից 16-ը՝ Երևանում: Մայրաքաղաքում գործում են հայկական և ռուսական եկեղեցիներ, ինչպես նաև պարսկական մզկիթ:
Սուրբ Գրիգոր Լուսավորիչ եկեղեցի
Սուրբ Գրիգոր Լուսավորիչ տաճարը կառուցվել է 2001 թվականին: Այդ ժամանակ լրանում էր Հայաստանում քրիստոնեությունը որպես պետական կրոն ընդունելու 1700-ամյակը: Եկեղեցին կրում է Գրիգոր Լուսավորչի անունը, ով մեծ ավանդ ունի քրիստոնեության ընդունման գործում: Այս եկեղեցին Երևանի նորակառույց եկեղեցիներից մեկն է:
Սուրբ Կաթողիկե եկեղեցի
Սուրբ Կաթողիկե եկեղեցին Երևանի ամենահին եկեղեցին է, կառուցվել է դեռևս 13-րդ դարում: Այն տեղակայված է Աբովյան և Սայաթ-Նովա փողոցների խաչմերուկում: Եկեղեցին համարվել է նաև հին Երևանի ամենամեծ եկեղեցին: Այն վերակառուցվել է մեծ երկրաշարժից հետո՝ 1693-1695 թթ:
Սուրբ Սարգիս եկեղեցի
Ներկայիս Սուրբ Սարգիս եկեղեցին կառուցվել է 1835-1842թվականներին՝ ավերված վանքի տեղում: Այն՝ որպես առաջնորդանիստ եկեղեցի, հիմնանորոգվել ու բարեկարգվել է Ն.Ս.Օ.Տ.Տ. Վազգեն Ա Ամենայն հայոց կաթողիկոսի օրոք: Եկեղեցու հին շենքը պահպանվել է, ճակատները երեսպատվել են նարնջագույն տուֆով և ունեն եռանկյունաձև խորշեր, արևմտյան հատվածում երգչախմբի համար կառուցվել է վերնատուն: 2000թ. ավարտվել է Սբ. Սարգիս եկեղեցու զանգակատան կառուցումը: Քանդակագործ Արտաշես Հովսեփյանի մտահղացումն է արևմտյան շքամուտքը, փայտե դուռը, իսկ շքամուտքից վեր գտնվող հարթաքանդակները Աղթամարի Սբ. Խաչ տաճարի քանդակների թեմաներով են:
Երևանի եկեղեցիների մասին այլ տեղեկությունների համար կարող եք այցելել հետևյալ կայքէջը:
© 2023 Global Colibri ՍՊԸ. Բոլոր իրավունքները պաշտպանված են
