Հայկական խոհանոցը միշտ հայտնի է եղել իր բազմազանությամբ և համեղ ուտեստներով: Խոհանոցը հին է, ինչպես մեր պատմությունը: Հայկական խոհարարական ավանդույթները ավելի քան 2000 տարեկան են: Ավանդաբար, ուտեստները պատրաստվում են կրակի վրա: Հայաստանում կավից վառարանները կոչվում էին թոնիր: Թոնիրում այժմ էլ պատրաստում են հաց, սունկ, ձուկ, մսամթերք և բանջարեղեն:
Հայկական խոհանոցի մեկ այլ առանձնահատկություններից է համեմունքների և կանաչիների օգտագործումը: Անուշահոտ համեմունքները շատ սիրված են Հայաստանում, իսկ հայ խոհարարներն օգտագործում են մոտ 300 տեսակ վայրի ծաղիկների և կանաչիների համեմունքներ:
Բոլոր այս յուրահատկություններն հայկական խոհանոցը դարձնում են եզակի, անսովոր, համեղ և բուրավետ: Առավել հայտնի հայկական ուտեստներին և խմիչքներին կծանոթանաք ստորև:
Ապուրներ
Ապուրները հայկական խոհանոցում շատ են: Ամենահայտնի հայկական ապուրներն են խաշը, բոզբաշը, սպասը և այլն:
Մսային ուտեստներ
Հայկական խոհանոցում մսային ուտեստներին առանձնահատուկ են վերաբերում: Ամենապարզ և ամենահին ուտեստներից են հայտնի խորովածը, քյուֆթան, տժվժիկը, դոլման և այլն: Այս ուտեստներն այսօր էլ պատրաստվում են այնպես, ինչպես 1500 տարի առաջ:
Հաց և կաթնամթերք
Ավանդական հայկական հացը՝ լավաշը, հայտնի է ամբողջ աշխարհում: Հայկական խոհանոցն առանց լավաշի գոյություն ունենալ չի կարող, իսկ հայկական կաթնամթերքը սիրված է ոչ միայն բնակիչների, այլև զբոսաշրջիկների շրջանում: Այս մթերքները սպառվում են հացի նման և օգտագործվում ինչպես առանձին, այնպես էլ այլ սննդատեսակների հետ: Հայկական ամենահայտնի պանիրը դա չեչիլ պանիրն է, իսկ ամենահայտնի կաթնամթերքը՝ մածունը:
© 2023 Global Colibri ՍՊԸ. Բոլոր իրավունքները պաշտպանված են
