Վարդավառը ամենահիշարժան տոներից մեկն է, որի ժամանակ մարդիկ միմյանց վրա ջուր են ցողում: Այս տոնը նշվում է Սուրբ Զատիկին հաջորդող 98-րդ օրը (կիրակի): Հեթանոսական շրջանում այն նվիրված էր սիրո աստվածուհուն՝ Աստղիկին: Ըստ հնագույն լեգենդի՝ Աստղիկը վարդաջրեր ցողելով և վարդեր նվիրելով սեր էր սփռում հայոց աշխարհում: Իսկ աստվածուհու սիրեցյալը՝ քաջության և արևի աստված Վահագնը, հաղթելով վիշապին և նրա ձեռքից ազատելով Աստղիկին, մարդկանց օծում է վարդաջրով, վարդավառ է սարքում: Այստեղից էլ ծագում է տոնի անվանումը՝ Վարդ և Վառ, որը բառացի նշանակում է ջրով օծված:
Տյառնընդառաջը Հայոց եկեղեցու տոներից է։ Այն առաջին անգամ նշել են Հիսուս Քրիստոսի ծննդյան 40-րդ օրը: Այս օրը Դուք կտեսնեք հազարավոր նորապսակներ, որոնք թռնում են կրակի վրայով: Այս տոնը նշում են փետրվարի 13-ին: Տյառնընդառաջն ունի հեթանոսական ծագում, այն խորհրդանշել է գարնանամուտը: Նախաքրիստոնեական Հայաստանում Տյառնընդառաջն արևի, կրակի պաշտամունքի տոնն էր:
© 2023 Global Colibri ՍՊԸ. Բոլոր իրավունքները պաշտպանված են
