ՍԵՎԱՆ, ՆՈՐԱՏՈՒՍ, ՋԵՐՄՈՒԿ

Խմբային էքսկուրսիա՝ Ջերմուկի բնական գեղեցկությունը՝ Հայրավանք, Նորատուս, Վարդենյանց լեռնանցք, Ջերմուկ ( ջրվեժ), Ար Արենի գինու համտես

Հասանելիությունը	Երկ	Երք	Չոր	Հնգ	Ուրբ	Շաբ	Կիր
01.03.2025 - 01.10.2025		​		​		​
01.10.2025 - 01.04.2026	​	​		​		​

Ինչ է ներառում​
Էքսկուրսավարի ծառայություն՝ ռուսերեն / անգլերեն
Գինու համտես
Հարմարավետ տրանսպորտային միջոցներ
Անվճար Wi-Fi ավտոմեքենաներում
Ջուր

Կանգառ 1:  Սևանա լիճ (Հայրավանք)

Բարձրադիր Սևանա լիճը Հայաստանի ‹‹Մարգարիտն›› է: Այն գտնվում է Հայկական լեռնաշխարհի կենտրոնում՝ ծովի մակարդակից 1900 մ  բարձրության վրա: Հայաստանի մայրաքաղաքից՝ Երևանից 63 կիլոմետր հեռավորության վրա գտնվող լիճը Կովկասի ամենամեծ լիճն է: Սևանա լիճը բոլոր կողմերից շրջապատված է լեռներով, իսկ լեռներից արդեն բացվում է լճի հիանալի համայնապատկերը:  Սևանա լճի ջուրը քաղցրահամ է և մաքուր, իսկ լեռնային օդը բարերար ազդեցություն ունի առողջության վրա: Հայրավանքը 9-13-րդ դարում կառուցված հայկական ճարտարապետական հուշարձան է՝ Հայրավանք գյուղում, Սևանա լճի առափնյա ժայռեղեն հրվանդանի վրա: Մեզ հասել է կիսավեր վիճակում, առանց գմբեթի, պահպանվել են եկեղեցին և գավիթը:

Կանգառ 2: Նորատուս, Սելիմի լեռնանցք

Սևանա լճի ափի երկայնքով ճանապարհը կշարունակվի դեպի Նորատուս գյուղը, որտեղ գտնվում է հայկական խաչքարերի ամենամեծ հավաքածուն։ Խաչքարը իրենից ներկայացնում է տափակ քարե սալ, որի վրա փորագրված է փրկության ճանապարհը խորհրդանշող խաչը։ Ըստ ավանդության, Հայկը՝ բոլոր հայերի նախահայրը, իր ժողովրդին հրամայեց փորագրել Հայաստանում յուրաքանչյուր քար։ Սա է պատճառը, որ այդ 3000 փորագրված քարերի վրա կարելի է տեսնել Հայաստանի տարբեր ժամանակաշրջանի պատմության դրվագներ։ Սելիմի լեռնանցքը գտնվում է 2 500 մ բարձրության վրա: Այստեղից բացվող գեղեցիկ տեսարաններն ընդգրկում են լայն և ընդարձակ կանաչապատ հովիտներ, ժապավենաձև ճանապարհներ ու հոսուն գետեր: 

Կանգառ 3: Ջերմուկ

Անցնելով Սելիմի լեռնանցքով՝ կհասնենք Ջերմուկ, որը  գտնվում է փոքր լեռնաշղթայի վրա և ունի ծովի մակարդակից 2,080 մ բարձրություն՝ շրջապատված լեռներով և անտառներով: Արփա գետի կիրճով լեռնաշղթան բաժանված է երկու մասի: Ջերմուկը հայտնի է իր բուժիչ ջրով: Ջերմուկի ջրերը հարյուրավոր տարիների ընթացքում բազմաթիվ հիվանդությունների բուժման հուսալի միջոց էին: Քաղաքը եզակի է նաև իր ջրվեժով: Ջրվեժի բարձրությունը 72 մ է: Ջրվեժը երբեմն կոչվում է «Ջրահարսի վարսեր»: Ջերմուկն ունի երկար պատմություն, սակայն ներկայիս քաղաքը հիմնադրվել է միայն 1940 թվականին, առաջին առողջարանի ստեղծումից հետո: Ներկայումս Ջերմուկը հայտնի է իր ժամանակակից եւ հարմարավետ առողջարաններով:

Կանգառ 4: Գինու գործարան Արենիում 

Ետ դարձի ճանապարհին մենք կանգ կառնենք ևս մեկ հետաքրքիր վայրում՝ Արենի գյուղում, որտեղ դուք ոչ միայն կծանոթանաք հայկական գինեգործության պատմությանն ու ավանդույթներին, այլև կհամտեսեք գինու տարբեր տեսակներ։